Gidala sa balay tambalanan ang usa ka senior citizen ug usa ka menor de edad nga naaksidente sa Purok 3, Barangay Canlanipa, sa syudad, niadtong nakalabay nga adlaw.
Giila ang senior citizen nga si Pepe Quano, residente sa maong lugar. Gilayon silang gidala sa Caraga Regional Hospital sa mga responder sa Quick Action Response Team (QUART) aron mahatagan og dinaliang medikal nga atensyon.
Sa inisyal nga imbestigasyon, nasayran nga ang nakadasmag mao ang usa ka tricycle nga kargado og mga materyales nga gimaneho ni Alyas Bryan, nga hamtong na ang edad.
Sumala sa kapulisan, kusog nga nagpadagan ang driver ug napamatud-an usab nga wala kini’y dalang driver’s license.
Padayon pa ang imbestigasyon sa mga otoridad, samtang giandam na ang tukmang kasong ipasaka batok kaniya.
