Patay ang usa ka 16-anyos sa human kini midaklit ug kawat og dalan sa kasugat samtang nag-motor sa Purok Ilvi , Barangay Pagsabangan, Mankilam Tagum City alas 5:30 ang takna hapon, Marso 22, 2026.
Giila ang biktima nga si Ruby John Gerodias residente sa Purok Cafe, Brgy. Visayan sa nahisgutang syudad.
Sumala inisyal nga imbistigasyon, gimaneho sa biktima ang Yamaha MIO, naglawig sa Bypass Road ug kalit kining mikawat sa dalan ug aksidenteng gisungag niini ang Rusi 150 nga motorsiklo nga gimaneho ni Niel Soncio 19-anyos residente sa sa Santo Tomas, Davao del Norte.
Sumala pa sa kakusog sa impact parehong nabagnos ang mga motor nga miresulta og pagkabali sa tiil sa drayber sa Rusi, samtang ang 16-anyos nabugtuan sa gininhawa.
Sa pagkakaron, kritikal ang kahimtang sa 19-anyos nga anaa karon nagpaalim sa balay tamabalan samtang nagpadayon pa ang imbestigasyon sa kapulisan sa duguon nga aksidente sa kadalanan.
Photo Demonstration : The Asian Parent
