Naandan sa usa ka dalaga ang paggamit og cellphone samtang anaa sa sulod sa CR hinongdan nga nakabaton kini og balatian nga Almoranas tungod sa segig cellphone sulod sa kasilyas.
Sumala sa mga eksperto, ang pagdala og cellphone sa CR dili man direkta nga hinungdan sa almoranas, apan makapasamot kini sa kondisyon. Ngano? Tungod kay ang paggamit og cellphone makapadugay sa imong pagpundo sa toilet.
Giingon nga ang mga tawo nga mag-cellphone samtang naa sa kasilyas adunay mas taas nga posibilidad (hangtod 46%) nga makasinati og almoranas kumpara sa mga dili magdala og gadgets.
Sumala usab ni Dr. Michael Allen, ang dugay nga paglingkod sa toilet makahatag og sobra nga pressure sa mga ugat sa rectum ug anus. Tungod niini, mahimong mohubag ang mga ugat, mobati og kasakit ug posibleng mogawas ang almoranas.
Dugang pa, tungod sa posisyon sa lawas samtang naggamit og cellphone, mapugos ang dugo sa pag-ipon sa ubos nga bahin sa lawas, nga mosangpot sa paghubag ug discomfort.
Gipahimangnoan karon sa mga eksperto ang publiko nga limitahan ang oras sa kasilyas (5–10 minutos lamang, likayan ang paggamit og cellphone sulod sa CR, ug imentina ang kalimpyo aron malikayan ang kagaw.
Dili ang cellphone mismo ang hinungdan sa almoranas, apan ang dugay nga pagpundo sa kasilyas tungod sa paggamit niini mao’y makapasamot sa kondisyon.
Photo Courtesy: daflon.ph
