Nasulbad na ang dugay nang isyu sa political boundaries tali sa upat ka barangay human personal nga giadtuan ug giimbestigahan sa mga lokal nga opisyales uban sa mga representante sa DENR, CENRO ug SMMCI.
Gipangulohan ang kalihokan nila Vice Mayor John Lester Fetalvero, kauban ang mga miyembro sa Sangguniang Bayan lakip sila SB Member Karissa Fetalvero-Paronia, chairperson sa Committee on Environment Resources, SB Member Reynaldo Calang, SB Member Philip Cabag-iran, SB Member Guy Rafols, SB Member Rosalinda Longos, SB Member Lorna Limpot, SB Member Warren Maitel, ug SK Federation President Shepheionn Carutcho, uban sa mga opisyales ug kawani sa nagkalain-laing barangay.
Gihimo ang actual ground validation diin gipangita ug gisukod pag-ayo ang mga utlanan aron matino ug maklaro na ang eksaktong hurisdiksyon sa matag barangay.
Sumala sa lokal nga pangagamhanan, dako ang pasalamat nila sa kooperasyon sa tanang ahensya ug sektor nga mitabang aron mahagatan sa katin-awan nga masulbad ang isyu. Ilabina ang DENR Region, CENRO nga naghatag og teknikal nga tabang sa proseso.
Nagpasalamat usab si Mayor Fetalvero sa mga barangay officials ug mga trabahante tungod sa ilang maayong resulta sa diyalogo nga nakatabang sa dali ug hapsay nga solusyon sa panaglalis sa utlanan.
