Gihingusgan ang round-the-clock police visibility operations sa mga kapulisan sa Tagum City Police Station niadtong milabay’ng adlaw sa nagkadaiyang lugar nga daghan ang tawo sa dakbayan.
Sumala sa kapulisan, kabahin kini sa misyon sa Philippine National Police (PNP) sa pagmintinar sa kalinaw ug kahapsay sa komunidad.
Ang maong operasyon nagpunting usab sa kampanya batok sa terorismo ug nagpakita sa lig-on nga paningkamot sa PNP sa pagpanalipod sa kaluwasan sa publiko, lakip na ang mga residente ug mga bisita sa nasangpit nga syudad.
Gidasig usab sa kapulisan ang publiko nga makigtambayayong pinaagi sa pagreport sa bisan unsang kahimtang nga nagkinahanglan og aksyon.
Mahimo silang motawag sa Tagum Police Hotline numbers o sa Unified 911 alang sa dali nga pagresponde sa kapulisan.
Nagpahimangno ang Tagum PNP nga ang kooperasyon sa komunidad mahinungdanon aron mapadayon ang malinawon ug luwas nga syudad.
Photo Courtesy:Tagum PNP
