Nasakmit ang kampyonato sa University of Cebu Webmasters human gipildi ang San Pedro College, 76-59, sa 89th Araw ng Dabaw Invitational Basketball Tournament sa Davao City Recreation Center
Nag-una si Ricofer Sordilla nga adunay 19 puntos, 4 rebounds ug 2 assists aron maangkon ang Finals MVP, samtang misuporta si Luther Leonard nga nakakkuha og 17 puntos.
Bisan og naalkansi sa halftime, 34-36, mibawi ang Webmasters sa ikatulong kuwarter, 20-10, aron makuha ang labaw. Gipadayon nila ang kusog nga opensiba sa fourth quarter nga miresulta sa labing dako nga abante nga 22 puntos.
Dako usab ang natampo nila Neon Chavez nga naay 9 puntos, samtang sa pikas kampo, nag-una si John Rodulfa nga adunay 20 puntos uban nila Keith Marquez ug Jimz Lulab nga may 10 puntos matag usa.
Gidominar sa UC ang second half, 42-23, aron maseguro ang ilang unang kampeonato karong tuiga.
