Nanawagan si House Committee on Transportation Senior Vice Chairman ug 1-Rider Party-list Representative Rodge Gutierrez sa Land Transportation Francshising Regulatory Board (LTFRB) ug Department of Transportation (DOTr) nga iapil sa fare adjustment measures ang mga motorcycle taxi ug delivery riders.
Matod niini sa iyang privilege speech sa plenary sa Kamara nga dili makatarunganon nga dili iapil ang mga motorcycle taxi ug delivery riders sa provisional fare increase nga gitagana ngadto sa nagkadaiyang public utility vehicles (PUVs).
Dugang ni Gutierrez nga ang mga motorcycle taxi ug delivery riders lakip sab sa naapektuhan sa pagsaka sa presyo salanan ug palaliton ingon man ang nagkadako nga gastuhan sa spare parts ug maintenance.
Matod pa nga dili mahimong dili hatagan og pagtagad ang mga motorcycle taxi ug delivery riders sa bisan unsang lakang kun mekanismo nga magpagaan sa epekto sa pampublikong transportasyon sa krisis nga hatod sa tensyon sa Middle East.
Photo Courtesy: Wikipedia
