Gihisgutan karon sa social media ang usa ka dalagang contestant human siya mapakyas sa pag-ila sa Malacañang Palace sa usa ka segment nga “Laro Laro Pick” sa iladong TV show, niadtong Marso 12, 2026.
Sa elimination round sa dula, gikinahanglan nga mailhan sa mga contestant ang usa ka hulagway nga nagpakita sa Philippine culture sulod lamang sa lima ka segundo. Sa dihang ang contestant na ang motubag, gipakita ang hulagway sa Malacañang, apan wala siya makatubag sa pangutana sa host nga si Vice Ganda.
Nasayran sa mga nanan-aw nga wala gyud siya kahibalo sa tubag base sa iyang mga gisunod nga pagtag-an sama sa “Munisipyo” ug “Malabon.” Nagpakita kini nga dili siya pamilyar sa opisyal nga puluy-anan sa Presidente sa Pilipinas.
Tungod niini, naglain-laing reaksyon ang netizens, adunay nangbash ug adunay usab nipanalipod sa contestant. Ang uban nag-ingon nga kinahanglan pa palig-onon ang kahibalo sa kasaysayan ug kultura sa nasod, samtang ang uban naghangyo nga sabton ang sitwasyon sa maong contestant kay posibleng nakulbaan lamang siya atol sa maong show.
Photo courtesy: PEP
