Daghang og bakterya kumpara sa balhibo sa iro, ang Bungot sa mga lalaki, mao kini ang nasuta sa mga tigduki-duki sa Europe nga kini base sa ilang pagtuon sa microbial content.
Matod sa European Radiology, ilang gisusi ang mga samples gikan sa 18 ka lalaking bungoton ug 30 ka iro aron matan-aw ang gidaghanon sa mikrobyo nga ilang gidala.
Ug pinaagi sa maong pag-eksamin, nasayran nga mas taas ang microbial count sa mga lalaki nga bungoton.
Nakita sa mga researchers ang bakterya nga Staphylococcus aureus ug Enterococcus faecalis, nga posibleng hinungdan sa sakit sa tawo ug makapahimo ug impeksyon kung dili malikayan.
Apan gi-pasabot sa mga eksperto nga gamay ra ang tyansa nga kini makahatag og seryosong kadaot, ug dili nagpasabot nga delikado dayon ang pagpatubo og bungot.
Photo Courtesy: Gentleman’s Journal
