Giklaro sa Department of Trade and Industry (DTI) Region-10 nga sa pagkakaron stable pa ang presyo sa mga basic goods sa Cagayan de Oro bisan adunay kabalaka sa posibleng pagsaka sa presyo sa pipila ka palaliton.
Gibutyag ni DTI Region-10 Acting Regional Director Jes Abiar nga base sa ilang monitoring, wala pay nakitang dakong pagtaas sa presyo sa mga produkto sa merkado ug padayon ang pag-inspeksyon sa mga establisyemento.
Matod niya nga bisan adunay mga grupo nga nagpasidaan sa posibleng pagtaas sa presyo sa pipila ka commodities, wala pa kini nakita nga alarming sa kasamtangang kahimtang sa merkado.
Gipadayag usab niya nga apil sa ginabantayan sa Department of Trade and Industry Region 10 ang presyo sa agricultural commodities pinaagi sa regular nga pag-inspeksyon sa mga merkado sa syudad.
Dugang pa ni Abiar nga ang mga impormasyon kabahin sa kahimtang sa presyo sa mga palaliton padayon nga ipadayag pinaagi sa City Information Office aron mahibal-an sa publiko ang kasamtangang presyo sa mga produkto sa Cagayan de Oro.
Photo Courtesy: Wales Online
