Gihingusgan sa Department of Agrarian Reform (DAR) ug World Bank (WB) ang paglunsad sa Inclusive Partnerships for Agrarian Reform Communities (IPARC) Project aron palig-onon ang suporta sa mga Agrarian Reform Beneficiaries (ARBs).
Matod ni DAR Secretary Conrado Estrella III, tumong sa IPARC Project nga tabangan ang mga mag-uuma nga himoong mas produktibo og masutener ang mga yuta nga nahatagan ug individual titles ilawom sa Support to Parcelization of Lands for Individual Titling (SPLIT) Project.
Kauban sa pagpangandam ang unang ang unang Commodity Cluster Farm (CCF) visit sa Ilocos Norte, kung diin gi-andam ang ka-andam sa mga ARBs, ARBOs, ug lokal nga mga stakeholders alang sa posibleng pagpatuman sa IPARC.
Sa Ilocos Region, mokabat sa 39 ka commodity cluster farms, 13 niini anaa sa Ilocos Norte diin gilauman nga makapahimulos sa IPARC project ang 7,573 ARBs nga nakadawat sa electronic land titles sa lalawigan.
Tumong sa proyekto nga pakusgon ang agricultural value chains, dugangan ang produksyon ug palapdan ang merkado alang sa mga mag-uuma ilawom sa agrarian reform dungan sa pagsiguro sa pagpalig-on sa kita ug panginabuhian.
Photo Courtesy: Abogado
