Mohimo og lapad nga transport strike ang grupong PISTON sa umaabot nga adlawng Huwebes, Marso, 19. Mao kini ang ilang himuon nga lakang tungod sa padayon nga pagsaka sa presyo sa produktong petrolyo nga nakaapekto sa mga drayber.
Pangulohan sa mga operators ug mga drayber ang mahitabong kilos-protesta. Panawagan niini nga tangtangon ang excise tax ug value added tax (VAT) sa produktong lana ug ang pagbasura sa Oil Deregulation Law.
Gawas niini, tinguha sab nila nga i-rollback ang presyo sa produktong petrolyo sa 55 tungod sa oil price hike ug ang nagpadayon nga taas-presyo nga niabot sa sobra 60 pesos ngadto sa 100 pesos.
Matod kang PISTON National President Mody Floranda ang subsidiya sa kagamhanan nga 5,000 pesos alang sa mga drayber dili igo tungod sa epekto sa pagsaka sa lana tungod sa tensiyon sa Middle East.
Dugang niini nga dili maresolba sa ayuda ang kasamtangang krisis sa transportasyon nga nasinati sa nasud pag-abot sa isyu sa presyo sa krudo.
Subay niini, suportado sa mga pipila ka ka mga progresibong grupo ang ipahigayon nga transport strikre sa PISTON.
Photo Courtesy: Manila Standard
