Gitudlo ni Presidente Ferdinand Marcos Jr. si Tourism Secretary Christina Frasco isip Presidential Adviser for Sustainable and Resilient Communities.
Matod sa palasyo, ang mahimong bag-ong trabaho ni Frasco mao ang pagpatuman ug pagsubay sa mga prayoridad nga programa sa mga komunidad taliwala sa nakadaghan nga peligro nga dala sa climate-related hazards.
Samtang, mahimong kasamtangan nga officer-in-charge sa department of tourism si Undersecretary Verna Buensuceso isip hulip ni Frasco.
Gihulagway si Frasco isip kalihim kinsa nangulo sa mga lakang alang sa pagsuporta sa mga tourism enterprise ug panginabuhian ingon man ang paghingusog sa turismo sa mga lokal nga kagamhanan sa tibuok nasud.
Gipasalamatan sab ni Presidente Ferdinand R. Marcos Jr. si Frasco sa pagserbisyo niini ug nagpadayag og kumpiyansa sa kasinatian niini nga mahimong epektibo sa bag-ong posisiyon niini, lakip ang pakig-alayon ngadto sa mga local government units (LGUs) nga mahimong kutay ngadto sa mga komunidad.
Sumala pa nga sa wala pa ang pagpagula sa appointment, nitumaw ang mga balita nga hulipan si Frasco isip kalihim sa Department of Tourism.
Photo courtesy: www.Manilatimes.net
