Gipahibalo sa LTFRB nga i-adjust nila ang gipropose nga pagtaas sa pasahe para sa mga jeepney, taxi, ug uban pang PUV tungod sa dako nga pagsaka sa presyo sa gasolina. Sa pauna nga projection, ang proposed fare increase gibase sa presyo sa diesel nga Php60 kada litro, apan karon moabot na kini ug Php80 kada litro, busa mas taas ang posible nga isaka ang pamasahe.
Ang chairman sa LTFRB nga si Vigor Mendoza miingon nga gi-review nila karon ang bag-ong usbaw sa pletehan ug paaprobahan sa DOTr. Kung aprobahan na kini sa ahensya, hingpit na nga ipatuman ang bag-ong pasahe sa mga commuters.
Dunga sa pagsaka sa pasahe, nag-andam usab ang gobyerno og fuel subsidy program para sa mga PUV drivers diin gikaingon nga anaa sa 256,000 ka drivers ang makabenepisyo, lakip ang mga nagmaneho sa jeepney, UV Express, taxi, ug TNVS. Ang modern nga jeepney makadawat ug Php10,500, samtang ang tradisyonal nga jeepney makadawat ug Php5,000.
Ang subsidy ihatag pinaagi sa Landbank cards, nga magamit sa partner gas stations. Giandam na usab ang lista sa mga gas station aron masiguro nga tanan ruta sa PUV adunay lugar nga magamit ang card. Ang LTFRB nagplano nga makompleto ang distribution karun nga semana.
Photo Courtesy:LTFRB
