Nipahimangno ang Department of Energy (DOE) nga kung magpadayon ang tensiyon sa Middle East posibleng mosaka ang presyo sa matag litro sa krudo ngadto sa ₱80 karong buwana.
Sa hearing sa Senate Committee on Foreign Relations, balik-balik nga giklaro ni Senate Committee Foreign Relations Chairman Erwin Tulfo kung hangtod pila ang presyo sa matag litro sa diesel labi na nga adunay mga nag-una nga mga balita nga posibleng mosaka pa kini.
Segon ni DOE Oil Management Bureau Director Rino Abad, posibleng mosobra sa ₱80 matag litro ang mahimong presyo sa diesel kung kausa nga higayon kini nga ipatuman sa mga oil companies apan kung staggered dili dayon kini moabot sa moang presyo nga nahisgutan.
Wala hinuon mibungat si Abad sa eksaktong kantidad og matod pa niya nga posibleng mas grabe pa ang epekto sa taas nga presyo sa lana nga hatod sa giyera sa Middles East kun itandi sa kagubot sa Ukraine ug Russia.
Samtang, giklabalak-an sab sa Department of Foreign Affairs (DFA) nga moresulta sa protracted war kun molungtad og upat hangtud sa walo kasemana ang tensiyon sa Middle East human nga gipangutana ni Senador Kiko Pangilinan kung hangtud kanus-a ang giyera.
Sumala sab ni DFA Assistant Secretary Germina Aguilar-Usudan, base sa mga impormasyon ug datus nga ilang nakuha, posibleng molungtad pa hangtud sa walo kasemana ang giyera tungod andam pa nga moatake ang Estados Unidos ug Iran samtang nagtinguha pa sab si US President Donald Trump nga aduna kini siyay kalambigitan sa pagpili sa mahimong sunod nga lider sa Iran.
