Ya confisca el maga otoridad armas de fuego con el un truckman desde Lanao del Norte na un random checkpoint que ya condusi na brgy de Mangusu en este ciudad.
El suspechao ya identifica como si Alberto Gonzales Suico, residente desde Kapatagan Lanao del Norte. Ya nota pa el maga otoridad el suspechao jinde lang ta opera con el vehiculo sin plate number con alboroto muffler sino tan drive tambien este sin licencia.
Ademas mientras ta inspecciona el de este vehiculo ya recubri tambien el un calibre .45 pistol sin legal documento. Mientrastanto ya lleva ya con este na custodia del maga otoridad para el propio disposition.
