Gipasaka sa Bangko Sentral ng Pilipinas (BSP) ang threshold o limit sa cash withdrawal ngadto sa Php1 milyon alang sa mga money laundering check. Ang mga withdrawal nga molapas sa maong kantidad ipailalom na sa mas estrikto nga enhanced due diligence.
Sumala sa BSP, ang maong desisyon gihimo human sa konsultasyon sa mga bangko diin nasayran nga daghang lehitimo nga transaksyon, sama sa payroll ug mga pundo alang sa proyekto, ang molapas sa kaniadtong Php500,000 nga limit.
Ubos sa bag-ong circular, ang mga kustomer nga mo-withdraw og sobra sa Php1 milyon kinahanglan magpakita og dugang nga dokumento o pruyba sa lehitimo nga negosyo. Walay limitasyon nga gipatuman alang sa mga non-cash nga transaksyon.
Photo Courtesy: Inquirer.net
