Nadakpan ang usa ka giingong street level individual atol sa joint buy-bust operation nga gipahigayon sa kapulisan ug PDEA pasado niadtong nakalabay nga adlaw, sa Purok Sampaguita, Barangay Tiguman, Digos City.
Ang operasyon gipangulohan sa City Drug Enforcement Unit ug Intelligence Unit sa Digos City Police Station, kauban ang PDEA 11 DSPO, PDEU/PIU ug 1st DSPMFC Intelligence personnel ubos sa kinatibuk-ang pagdumala ni PLTCOL Norman L. Yparraguirre, Acting Chief of Police.
Naaresto ang suspek nga nailhang alyas “Agaw/Gaw,” 29-anyos, drayber sa traysikel ug residente sa Barangay Matti, Digos City. Narekober gikan kaniya ang gibanabana nga 2.50 gramos nga ginadudahang shabu nga nagkantidad og Php17,000.
Gipasidunggan ni PLTCOL Yparraguirre ang nag-operate nga mga yunit og gipasiugda nga magpadayon ang kapulisan sa ilang kampanya batok sa ilegal nga droga aron mapadayon ang kalinaw ug kahapsay sa komunidad.
