Pormal nang gisugdan sa Bureau of Fire Protection (BFP) XI – Digos City Fire Station ang tinuig nga obserbasyon sa Fire Prevention Month pinaagi sa usa ka mabulukon nga kick-off ceremony niadtong nakalabay nga adlaw.
Ubos sa temang “Sa Pag-iwas sa Sunog, Hindi Ka Nag-iisa,” ang kalihokan gisugdan sa usa ka unity motorcade sa mga nag-unang dalan sa dakbayan aron pukawon ang kaamgohan sa publiko mahitungod sa kamahinungdanon sa paglikay sa sunog, ilabi na karong panahona nga mas nagka-init ang klima.
Ang programa gitambongan sa mga representante gikan sa nagkadaiyang ahensya sa gobyerno sama sa Bureau of Jail Management and Penology (BJMP), Philippine Coast Guard (PCG), City Disaster Risk Reduction and Management Office (CDRRMO), mga personahe sa mga nagka lain laing Barangay sa Digos City (BDRMC), ug mga opisyales sa lokal nga Panggamhanan sa syudad sa Digos.
