Gipahigayon ang provision of woodworking starter kits alang sa Persons Deprived of Liberty o PDL sa Digos City District Jail – Male Dormitory kagahapong adlawa, Marso 3, 2026.
Kabahin kini sa DOLE-Assisted Livelihood Program nga gipangunahan sa Department of Labor and Employment XI Davao del Sur inubanan sa Bureau of Jail Management and Penology Digos.
Gidumala usab ang turnover sa livelihood assistance ug pagpirma sa Memorandum of Understanding tali sa duha ka ahensya. Tumong sa programa nga mahatagan og kahanas ug oportunidad sa panginabuhian ang mga PDL isip preparasyon sa ilang pagbalik sa komunidad.
