Gipatawag sa opisina ni Mayor Paolo Evangelista ang usa ka drayber sa tricycle nga gialegahan nga nagmaneho samtang nakainum ug nagpakita og dili maayong pamatasan batok sa iyang mga pasahero adlaw’ng Lunes, Marso 2, 2026.
Hinungdan nga nasuspendi kini og kinsi (15) ka adlaw sa pagbyahi sa iyang tricycle isip silot tungod sa maong insidente.
Gibutyag kini Moises Sernal, ang Chief sa Traffic Management and Enforcement Unit – Kidapawan City atol sa pakighinabi sa Juander Radyo Kidapawan News team.
Kahinumduman nga base sa post sa social media sa usa ka netizen, nagsakay ang iyang inahan nga senior citizen ug ang iyang 5-anyos nga anak sa usa ka tricycle gikan sa Barracks paingon sa ubos sa Relano, Kidapawan City.
Matod pa nasinati sa iyang inahan ang pagsigsag sa pagpadagan sa tricycle samtang nagbiyahe og nagduda nga hubog ang maong drayber.
Sa pagpadayon sa biyahe hangtod sa Perez Street, didto na matod pa naglalis ang drayber ug pasahero hangtod nga gipakanaog ang iyang inahan ug namulong og dili maayo.
Gipahayag usab sa nagreklamo nga na-trauma ang iyang 5-anyos nga anak tungod sa maong insidente.
Photo Courtesy: Noy Colena
