Walay overlapping, kini ang giklaro ni National Commission of Senior Citizens Northern Mindanao Regional Director Mary Jean Asum kalabot na sa ilang mandato ug mga programa tali na sa Office of the Senior Citizens kon OSCA ug sa Department of Social Welfare and Development.
Panagtambayayong matod pa ang nagakahitabo og dili panagbangi sa matag ahensya ug buhatan sa Gobyerno nga naghatag og pagtagad sa kaayohan sa mga katiguwangan.
Gipasabot ni RD Asum nga ginasiguro sa NCSC kung nahatag ba sa OSCA ug DSWD ang mga benipisyo ug katungod sa mga senior citizens ug ang komisyon usab ang ilang dalangpanan kung adunay mga reklamo batok sa mga ahensya sa Gobyerno ug pribadong establishemento.
