Natala sa Guinness World Records ang usa ka Tren nga ginama sa Maltese Chocolate, human gihimo ang pinakataas nga sculpture sa chocolate sa kalibutan. Matod nga ang sculpture usa ka daan nga modelo sa tren nga may sukod nga 55.27 metros ang gitas-on (mas taas pa sa gitas-on sa usa ka Olympic swimming pool).
Ang obra, hinimo sa purong chocolate sa Belgium, gilangkoban sa usa ka locomotive ug 22 ka mga karwahe. Ang matag karwahe may gibug-aton nga 160 ka kilo. Ang obra gibuksan sa Milan uban sa gahimo nga si Andrew Farrugia, usa ka senior lecturer sa culinary arts sa Institute of Tourism Studies (ITS) sa Malta.
Dili kini ang unang world record ni Farrugia. Niadtong 2012, nakahimo siya og 34.05-metros nga tren sa chocolate sa Brussels, ug niadtong 2014, nakahimo siya sa pinakataas nga sculpture sa chocolate nga adunay 13.52-metros nga replika sa Burj Khalifa sa Dubai.
Ang pinakabag-o nga obra milungtad og usa ka tuig aron maandam ug upat ka bulan nga aktuwal nga produksiyon. Sumala ni Farrugia, miagi una kini sa clay modeling sa dili pa kini i-assemble ang gibana-bana nga 5,000 ka piraso sa chocolate nga giputol tanan gamit ang kamot, lakip ang 180 ka ligid para sa mga karwahe.
Sumala sa chocolatier, ang pinakalisod nga bahin sa proyekto mao ang pagdala sa mga tren sa chocolate gikan sa Bergamo paingon sa Milan. Kinahanglan nilang ampingan pagputos ang matag piraso sa plastik nga film. Maayo na lang kay ang higanteng tren sa chocolate miabot sa exhibit nga wala madaot.
Photo courtesy:Philstar News
