Gisugdan na sa Department of Agriculture (DA) ang barangay-level rollout nga Php20 matag kilo nga bugas sa Davao City, isip pagpalapad sa “Benteng Bigas, Meron Na!” sa administrasyon program.
Unang gipahigayon ang distribution sa Barangay Matina Crossing ug gisundan sa Barangay Tungkulan sa Toril District niadtong Pebrero 20, pinangulohan ni Assistant Secretary for Agribusiness, Marketing and Consumer Affairs Genevieve Velicara-Guevarra, uban sa mga opisyal sa barangay ug mga representante sa National Food Authority (NFA) ug Food Terminal Corporation (FTI).
Matod ni Guevarra, importante ang aktibong partisipasyon sa lokal nga kagamhanan aron masiguro nga ang hinabang nga bugas makaabot sa mga target nga benepisyaryo sama sa mga indigent, senior citizens, persons with disabilities, minimum wage earners ug solo parents. Matod niya ang Php20 nga Benteng bigas masterlist registry system, usa ka online registry sa mga benepisyaryo, nakatabang sa pagpadali sa verification ug pagpalit sa bugas.
Gipasabot sa DA nga tukma sa panahon ang pagpalapad sa distribution tungod kay gikatahong puno ang mga bodega sa NFA. Pinaagi sa pag-release sa mga suplay ngadto sa mga barangay nga mas paspas, ang mga bodega dili kaayo puno ug naghatag og dalan alang sa padayon nga pagpalit sa humay gikan sa lokal nga mga mag-uuma.
