Gipahimangnoan sa Department of Health (DOH) Region 9 ang publiko nga maghimo ug regular nga pagpacheck sa blood pressure (BP) aron malikayan ang altapresyon o high blood.
Sumala ni Dr. Dennis Antonio Dacayanan OIC Chief Local Health Support Division sa DOH Region 9, kun may mga ginainom nag maintenance mas maayo batasanon ang matag semana nga pagpa BP.
Dungan niini, gipahinumdoman ni Dr. Dacayanan ang publiko nga likayan ang sobrang parat nga pagkaon, maghimo kanunay ug pag-ehersisyo, ug batasanon ang healthy lifestyle.
Segon ni Dr. Dacayanan, ang sayong pagpakonsulta sa matag indibidwal ngadto sa mga health expert mao ang yawe aron mulungtad og dugay nga katuigan ang kinabuhi sa usa ka indibidwal.
Photo Courtesy: Now Serving
