Andam ang Philippines sa pagpalapad sa negosyo ug partnerships uban sa Japan pinaagi sa mga programa ug polisiya nga makabenepisyo sa duha ka nasud, sumala ni Executive Secretary Ralph Recto sa welcome dinner sa 42nd Annual Joint Meeting sa Economic Cooperation Committees sa duha ka nasud niadtong Pebrero 18 sa Goldenberg Mansion.
Gitinguha sa gobyerno nga mas sayon, mas paspas, ug mas kasaligan ang pagnegosyo sa Pilipinas aron mas daghang Japanese investors ang moduol. Gi-report nga ang Japan mao ang ikaduhang labing dako nga trading partner sa Pilipinas nga nag-abot og Php1.27 trillion ang trade sa miaging tuig ug nagpakita og surplus. Ang Japan usab mao ang top source sa foreign direct investments nga miabot og Php42.5 billion sa unang 11 ka bulan sa 2025.
Gipasiugda ni Recto ang kalidad sa Japanese products ug ang dakong merkado sa Pilipinas, nga gi-example ang Metro Manila Subway isip simbolo sa Japanese craftsmanship ug reliability.
Sa turismo, halos 407,000 ka Japanese ang mibisita sa Pilipinas samtang 825,000 ka Pilipino ang mibisita sa Japan tungod sa relaxed visa rules. Ang interaksyon sa kultura ug hospitality sa duha ka nasud nagpalig-on sa relasyon sa katawhan sa Pilipinas ug Japan.
Photo Courtesy: Nipino.com
