Gipildi sa University of the Philippines (UP) ang Ateneo de Manila University, sa score nga 17-25, 19-25, 25-22, 25-23, 16-14, alang sa ikaduhang kadaugan atol sa UAAP Season 88 women’s volleyball tournament sa Mall of Asia Arena sa Pasay City, kagahapong adlawa.
Kini ang unang kadaugan sa UP batok sa Ateneo sukad sa ikaduhang hugna sa Season 80 niadtong 2018, nga nagtapos sa 11 ka sunod-sunod nilang kapildihan.
Ang three-time Best Middle Blocker nga si Niña Ytang mipuntos og 15, ug gipugngan si Zey Pacia sa katapusang duwa aron maselyohan ang kadaugan sa Fighting Maroons human sa duha ka oras ug 32 minutos.
Si Irah Jaboneta midugang og 14 puntos, walo ka digs ug pito ka receptions, samtang ang Nigerian player nga si Fina Ali nakahimo og 13 puntos.
Samtang si JLo Delos Santos, nga bag-o lang naka-recover gikan sa ACL, nakatala og 21 puntos ug 11 ka digs alang sa Blue Eagles, nga nakaangkon sa ilang ikaduhang kapildihan.
Photo courtesy to sports.inquirer.net
