Nagviral sa social media ang usa ka video nga nagpakita sa 92-anyos nga lola nga mikatkat sa 2.15 metros nga taas nga pultahanan aron makagawas sa usa ka nursing home sa Shandong, China.
Sulod lamang sa 24 segundos, malampuson niyang nasaka ang maong pultahanan ug nakalabang sa pikas bahin nga walay kadaot, nga nakapahingangha sa daghang netizens.
Una kining gi-share sa Weibo ug dali nga mikaylap online, diin daghan ang nagdayeg sa iyang kusog ug determinasyon bisan sa iyang edad.
Ang insidente nagpakita sa lig-on nga espiritu sa tigulang ug naghatag usab og diskusyon bahin sa kahimtang sa pag-atiman sa mga senior citizens.
Photo Courtesy: Watercooler
