Patay ang tulo ka indibidwal human sa pagbusikad sa truck nga kargado og gasolina sa Santiago, Chile. Sumala sa kapulisan, napulo pa ka indibidwal ang nasamdan sa maong insidente.
Gidala dayon sa mga responder ang mga biktima sa nagkalain-laing ospital sa maong lugar aron matambalan. Dako usab og kadaot ang naangkon sa pipila ka mga sakyanan nga anaa sa daplin sa dalan atol sa pagbusikad.
Nakita sa mga awtoridad ang grabeng epekto sa sunog ug kusog nga pagbuto nga nakaapekto sa palibot nga lugar.
Sa pagkakaron, padayon pang ginaimbestigahan sa mga otoridad ang hinungdan sa aksidente aron mahibaluan kon unsay naka-trigger sa pagbuto sa truck nga nagkarga og gasolina.
Photo Courtesy: Cherry Mae Balingit
