Gipasabot sa kadumalahan sa Public Service Division (PSD) ang Publiko, nga mahinungdanon ang pagbawal sa pagdaub o pagsunog sa mga basura sa Iligan City.
Matod ni Aldwin Cabornay ang Head sa Public Service Division (PSD) nga ang pagdaub ug basura makadaut sa panglawas ug sa kinaiyahan, ang aso gikan sa gisunog nga basura makasulod sa baga ug dugo, hinungdan sa hika, ubo ug sakit sa kasingkasing.
Dugang pa ang pagsunog sa basura makadaot sa hangin, yuta, ug tubig, tungod sa makahilong kemikal nga mahimong mokatag ug mosulod sa tanom, hayop, ug kadagatan.
Gipaklaro usab ni Cabornay ang mga balaod nga nga dili sa pagsunog sa basura sama sa Republic Act No. 9003 ang Ecological Solid Waste Management Act of 2000, nga nagbabawal sa open burning o pagsunog sa basura ug nagmando sa hustong pag segregate ug pag-recycle sa basura.
Lakip na niini ang Republic Act No. 8749 o ang Philippine Clean Air Act of 1999 nga subling nagdili sa bisan unsang kalihukan nga makadaot sa hangin o air pollution.
Gi-awhag ni Caborna ang Publiko nga likayan ang pagdaub ug basura aron mapanalibdan ang atong kahimsog ug kinaiyahan alang sa sunod nga henerasyon.
Gidason pa nga sundon ang saktong paghipos, pagsegregate, ug pagrecycle sa basura kaysa pagsunog niini.
Photo Courtesy: Change.org
