Gipasabot sa buhatan sa Iligan City Civil Registrar’s Office (CCR) ngadto sa mga Iliganon kalabot sa pagpostpone sa gikatakda nga kasalan ng Bayan niadtong Feb 14, tungod sa dakong kadaut nga nasinati sa Iligan City tungod sa epekto sa Bagyong Basyan niadtong Pebrero 5 hangtud 10 ning kasamtangan nga tuig.
Sumala sa kadumalahan sa Iligan City Civil Registrar’s Office (CCR) ang disisyon gihimo aron unahon ang kaluwasan ug kahimtangan sa tanang pamilya, ug tanang naapektuhan sa grabing pagbaha sa syudad ug sa uban pang mga Barangay, ug aron mahatagan igong panahon ang komunidad sa pagbangon gikan sa epekto sa bagyo.
Dugang sa CCR ang Dakbayan sa Iligan karon kasamtangan anaa pa sa state of calamity ug nagpadayon sa pag-ayo sa mga nadaut nga pasilidad, pagpanglimpyo sa ilang tagsa-tagsa ka panimalay.
Gihangyo sa CCR ang pagsabot sa mga Iliganon tungod sa kahimtangan sa syudad.
