Usa ka 36-anyos nga residente sa Texas, si Alyssa Ogletree, nakab-ot ang bag-ong world record human siya nakadonate og 2,645.58 ka litro nga gatas sa inahan, sumala sa Guinness World Records. Nalabwan niini ang iyang kaugalingong rekord niadtong 2014 nga 1,569.79 ka litro.
Matod pa sa Mothers’ Milk Bank of North Texas, ang usa ka litro nga gatas makapakaon og kapin 11 ka premature nga mga bata. Pasabot niini nga ang mga donasyon ni Ogletree posibleng nakatabang sa sobra 350,000 ka mga masuso.
Nagsugod og donate si Ogletree niadtong 2010 human siya nanganak sa iyang unang anak nga lalaki, human siya tambagan sa usa ka nurse. Nagpadayon siya sa pagdonate sa mga misunod niyang pagpanganak, samtang nagserbisyo isip surrogate mother.
Sumala kang Ogletree, ang pagdonate og gatas usa ka paagi alang kaniya sa paghatag og tabang sa uban sa makahuluganon ug dili pinansyal nga pamaagi.
Photo Courtesy: NDTV
