Niabot sa record-high nga 35.63 bilyong USD ang cash remittances sa mga Overseas Filipino niadtong 2025, sumala sa Bangko Sentral ng Pilipinas (BSP).
Kini nga kantidad mas taas og 3.3% kon itandi sa 34.49 bilyong USD niadtong 2024.
Matod sa BSP, ang dakong kantidad sa remittances tungod sa record-high nga padalang kwarta niadtong Disyembre 2025 nga niabot sa 3.52 bilyong USD. Ang kinatibuk-ang cash remittances niadtong 2025 katumbas sa 7.3% sa Gross Domestic Product (GDP).
Nag-una gihapon ang Estados Unidos isip nag-unang tinubdan sa cash remittances, gisundan sa Singapore ug Saudi Arabia.
Samtang, ang personal remittances, nga naglakip sa padalang kwarta pinaagi sa bangko, uban pang pamaagi, ug mga in-kind nga padala, niabot sa 39.62 bilyong USD gikan sa 38.34 bilyong USD niadtong 2024.
Photo courtesy: REUTERS
