Giplano sa NBA superstar nga si LeBron James bahin sa iyang pagretiro sa dihang gipangutana kung duna pa ba siyay plano nga magpadayon sa pagdula pagkahuman sa kasamtangang season diin natala niya ang iyang ika-23 nga record.
Matod niya, dili pa siya sigurado kung magpadayon ba siya apan duna na siyay plano sa iyang pagretiro.
Kaniadtong Domingo, sa wala pa ang NBA All-Star Game, ang 41-anyos nga forward sa Los Angeles Lakers nagkanayon nga wala pa siya mahibalo kung unsa ang iyang himuon sa sunod nga season.
Bisan pa sa pagduha-duha sa iyang kaugmaon sa NBA, gipasalig ni LeBron nga dili kini makaapekto sa iyang paningkamot nga matabangan ang Lakers nga makuha ang ilang ika-lima nga NBA title.
Karong season, nag-average si LeBron og 22.0 points, 7.1 assists, 5.8 rebounds, ug 1.1 steals kada dula sa Lakers, nga kasamtangang anaa sa ikaduhang pwesto sa Western Conference nga adunay record nga 33-21.
Giangkon usab ni LeBron nga gusto niya nga mahimong tag-iya sa usa ka NBA team kung matapos na ang iyang career sa pagdula, apan dili lang kini ang iyang plano sa umaabot.
Photo courtesy: LeBron James/ Facebook
