Maglunsad og imbestigasyon ang Department of Agriculture (DA) human makadawat og reklamo gikan sa mga mag-uuma sa Nueva Ecija nga nagtapok ang mga imported nga sibuyas sa cold storages sa Central Luzon.
Gimandoan ni Agriculture Secretary Francisco Tiu Laurel Jr. ang Bureau of Plant Industry sa pag-verify sa reklamo aron maprotektahan ang kita sa farmers ug masiguro ang igo ug kaya nga suplay.
Base sa datos, 82% sa warehouses adunay 4,454 Metriko Tonelada sa red onions ug 5,271 Metriko Tonelada ang yellow onions nga halos imported. Presyo sa red onions sa bodega nag-average sab og Php30.36 ang matag kilo ug gipaabot molungtad ang stocks hangtod Pebrero 19 alang sa pula nga sibuyas samtanag sa Marso 15 ang yellow nga sibuyas.
Matod sa DA, seasonal gap lang kini hangtod sa peak harvest sa Marso ngadto sa Abril, ug ang imbestigasyon makatabang sa paglikay sa sobra nga suplay sa merkado.
Photo Courtesy: Wow Skin Science
