Nakaplagang patay ang usa ka 65-anyos nga lalaki nga namissing, didto sa sapa sa Purok 5, Mando, Imbatug, Baungon, Bukidnon niadtong Pebrero 11, 2026, mga 1:30 sa hapon.
Ang Baungon Municipal Police Station (MPS) nakadawat og report human nadiskobrehan sa usa ka menor de edad ang biktima nga nagbuy-od duol sa sapa. Ang nadiskobrehan unang gitaho sa usa ka silingan sa wala pa gipahibalo ang pamilya sa biktima.
Sa usa ka eksklusibong interbyu sa Juander Radyo Malaybalay, si PMSG Noel Cia, imbestigador sa Baungon MPS, miingon nga ang lalaki katapusang nakitang buhi niadtong Pebrero 10 samtang nag-atiman sa iyang mga baka. Namatikdan sa mga awtoridad nga ang biktima kanunay nga nag-atiman sa iyang mga hayop ug nailhan nga moinom og mga ilimnong makahubog.
Ang lawas gisusi uban sa usa ka representante gikan sa Municipal Health Office (MHO) sa Baungon, ug walay nakitang mga samad o timailhan sa kapintasan. Opisyal nga gideklarar sa Health Officer nga walay foul play nga nalambigit sa kamatayon sa lalaki. Samtang gitugyan na ang patayng lawas ngadto sa pamilya alang sa hustong pagpahiluna niini.
Photo Courtesy: BAUNGON MPS
