Giklaro ni Gilas Pilipinas head coach Tim Cone nga wala pa’y pinal nga lineup alang sa Window 2 sa FIBA Basketball World Cup. Matod ni Cone nga ilang isapinal ang line-up sa mga mosunod nga mga adlaw.
Reaksyon kini ni Cone sa gipagawas nga listahan sa FIBA sa line up sa Gilas sa Window 2. Kini gilangkuban nila: Chris Newsome, RJ Abarrientos, Scottie Thompson, June Mar Fajardo, Cjay Perez, Dwight Ramos, Japeth Aguilar, Kevin Quiambao, Justin Brownlee, Carl Tamayo, AJ Edu, ug Quentin Millora-Brown.
Nakapahibulong nga wala sa listahan ni Kai Sotto nga bag-o pa lang naayo gikan sa iyang ACL injury. Una nang gisulti ni Cone nga ilang gipaabot ang pagsalmot ni Sotto para sa duwa sa Gilas.
Makasangka sa Gilas Pilipinas ang New Zealand sa Pebrero 26, samtang ang Australia sa umaabot nga Marso 1 nga ipahigayon kini sa Mall of Asia Arena.
Photo courtesy: Spin.ph
