Wala nahinayon ang usa ka kasal sa duha ka mga managhigugma-ay human gidalitan lang ug kinagud nga lubi ang mga bisita apil na ang mga ginikanan ug kaliwat sa babaye nga nahitabo didto sa India.
Matod pa, nagkasinabot na ang mag uyab nga magminyo na tungod kay unom na sila katuig isip manag-uyab ug gani excited sila sa dihang nagpahibalo sa ilang isig ka ginikanan.
Nagtuo ang ginikanan nga andam na ang iyang anak sa galastuhan sa kasal tungod sa kadugay’ng panahon nga nagtrabaho sa syudad apan wala diay kini natigom tungod kay igo lang gigasto sa iyang anak iyang kita ngadto sa iyang uyab.
Miligid ang bulan ug miabot na ang gitakda nga kasal og nag abot-abot na ang mga bisita ngadto sa ilang panimalay apan bisan gamay walay gihikay ang lakin-an gumikan wala silay ikagasto alang sa pagkaon sa mitambong sa kasal.
Ug didto nahuna-hunaan sa ginikanan nga magbuak na lang og lubi aron ipaka-on sa ilang mga bisita ingon man sa mga kaliwat sa babaye nga nagtuo usa ka dakong kumbira ang mahitabo sa ilang kasal.
Tungod sa panghitabo gibitbit sa mga ginikanan ang ilang anak nga babaye pauli sa ilang panimalay samtang ang kalipay nga unta ilang bati-on atol sa kasal sa ilang anak napulihan ug grabeng kasuko tungod sa gipakitang palpak sa taga lakin-an.
Photo Courtesy: Kenrich trading
