Tun-an na ni Tourism Secretary Christina Garcia Frasco ang “deregulation” sa airline industry sa nasod human makadawat og sunod-sunod nga mga reklamo tungod sa kamahal sa pamahe sa eroplano. Gikataho nga mas mahal pa ang plete padulong sa mga tourist destinations sulod sa Pilipinas kon itandi sa mga biyahe paingon sa ubang nasod sa Asya.
Gipasabot ni Frasco nga ang airline industry una nang na-deregulated pinaagi sa usa ka executive order niadtong tuig 2011. Tungod niini, nihangyo na ang Department of Tourism (DOT) sa Civil Aeronautics Board (CAB) nga mopresentar og binulan nga report sa ticket pricing sa mga aeroplano aron mamonitor ang mga singil.
Tumong niini nga masiguro nga dili maapektuhan ang turismo sa nasod og mahatagan og makiangayon nga presyo ang mga lokal ug langyaw nga turista nga gustong mobisita sa nagkalain-laing dapit sa Pilipinas.
Photo Courtesy: Aviation Updates Philippines
