Mokabat sa 14 ka mga HIV Treatment Hub nga anaa sa Zamboanga Peninsula ang andam moserbisyo sa tanang mga HIV patients sa rehiyon.
Matod ni Dr. Dennis Antonio Dacayanan OIC Chief Local Health Support Division sa DOH Region 9, ang maong treatment hub naghatag og libre nga HIV testing, counseling, laboratory services, ug tambal alang sa mga Persons Living with HIV o PLHIV.
Giklaro ni Dr. Dacayanan ,ang mga datos nga natala sa HIV treatment hub nagpabilin nga confidential ug bukas alang sa tanang HIV patients nga kinahanglan mupailawom sa HIV testing.
Segon ni Dr. Dacayanan, tumong sa programa nga mapugngan ang pagsaka sa kaso sa HIV ug masiguro nga ang mga pasyente makadawat og husto ug angay nga pag-atiman.
Samtang gi-awhag ni Dr. Dacayanan nga dili magpanghadlok sa pagpakonsulta gumikan kay ang sayong pagtambal dakong tabang sa pagpanalipod sa matag usa nga kinabuhi.
Photo Courtesy: United Nations in Philippines
