Padayon pang giiimbestigahan sa Bureau of Fire Protection (BFP) ang pipila ka fire volunteers nga giingong nanguha ug ilimnong makahubog gikan sa usa ka supermarket nga nasunog sa Quezon City.
Subay sa video nga mikaylap sa social media, makita ang mga fire volunteers nga nagsul-ob og firefighting gear nga nanguha ug mga ilimnon human mapalong ang kalayo. Daghang netizens ang nahimuot sa maong video kay daw kuno sunog atay na sab human sa sunog.
Sumala sa BFP, ila nang gi-review ang lista sa fire volunteer groups nga mitabang sa maong sunog aron mailhan ang mga nalambigit sa insidente. Dugang pa s BFP nga kung mapamatud-an posible nga tangtangon ang accreditation ug mga sertipikasyon sa mga fire volunteers.
Magdepende na usab sa tag-iya sa supermarket kung magpasakahan ba og kaso ang mga nalambigit.
