Kung nagtuo mo nga ang tripod pang-cellphone mapalit ra sa mall, sayop mo diha. Sa Turkey, naa nay mas “furry” nga bersyon mao ang iring.
Nag trending karon sa social media ang usa ka hulagway sa duha ka turista nga malinawon kaayo nga nag selfie, samtang ang ilang cellphone gipahimutang mismo sa likod sa usa ka iring nga naglingkod. Oo, sakto inyong nadungog—iring, dili lamesa, dili bato, dili backpack.
Sa litrato, ang iring malinawon ra kaayo, murag nag ingon sa iyang kaugalingon: “Ah… mao diay ni ang akong calling sa kinabuhi.” Samtang ang couple nagpose, ang iring chill lang og giganahan nga nakasandig ang cellphone sa iyang likod.
Sa dihang nagviral ang hulagway online, daghan ang gi-cutetan sairing. Ang uban netizens nangutana kung pila ang presyo sa ‘cat tripod’ karon, samtang ang uban nag joke nga mas stable pa daw ang iring kaysa sa ilang relasyon.
Apan dili tanan nakatawa lang—ang uban miingon nga mao gyud ni ang ebidensya nga bisan asa ka mo adto, ang iring ray tinuod nga tag-iya sa kalibutan.
Kini nga hitabo nagpamatuod nga sa panahon karon, bisan ang pinakahilom nga travel moment pwede mahimong internet chaos, labi na kung naay iring nga nadamay.
Busa pahinumdom sa tanan nga tig-travel ug tig-selfie diha—kung mangita mo og tripod, ayaw lang hulata nga mo purr ang inyong camera stand. Kay basin sunod, kamo na pud ang mahimong vira ug ang iring na ang influencer.
Photo Courtesy: Street cat life
