Gisaway ni Senator Raffy Tulfo ang Food and Drug Administration (FDA) gumikan sa kalangan sa pagpatuman sa mandato kalabutan sa pagkatag sa mga peke nga mga tambal sa merkado.
Sa hearing sa Senate Committee on Health nga gipangunahan ni Senator Risa Hontiveros, gisusi ni Tulfo ang ilang imported nga Chinese medical products ug uban pang tambal nga mapalit matod pa sa Binondo.
Gipakita sa senado ang mga pekeng over-the-counter nga tambal para sa hilanat, ubo, sip-on nga gikaingong gawasnon nga gibaligya sa gagmayng mga tindahan.
Dugang ni Tulfo, adunay mga report sa kapalpakan sulod sa DFA kung diin midawat matod pa ug bayad ang mga personahe bugti sa certification of product approval, partikular sa mga nag-apply nga dagkong kompanya.
Una nang gipasabot ni FDA Director General Atty. Paolo Teston nga limitado ang ihap sa ilang mga personahe ug gihimo nila ang tanan aron mahimo ang ilang trabaho nga wala usab gituohan ni Tulfo.
Photo Courtesy: Wikipedia
