Gilunsad sa Gobyerno sa Pilipinas ug sa Cebu MICE Alliance ang unang MICE blueprint sa Cebu (Meetings, Incentives, Conferences, and Exhibitions) nga magsilbing giya aron mapalig-on ang MICE market sa isla ug ang mga stakeholders niini.
Ang maong guidebook gipaila atol sa Philippine hosting sa ASEAN Tourism Forum (ATF) ug TRAVEX sa Mactan Expo sa Cebu kagahapong adlawa, Miyerkules Enero 28, 2026.
Matod ni Tourism Secretary Christina Frasco, mas dako ang kahulogan sa pagpagawas niini tungod kay ang Pilipinas maoy host sa ASEAN Tourism Forum (ATF).
Sa higayon nga magtapok ang mga rehiyon, ang maong giya magpamatuod sa yano apan kusgan nga mensahe diin andam ang Cebu nga modawat sa ASEAN ug makigkompetensya nga may pagsalig sa kaugalingon sa global nga entablado.
Photo Courtesy : Proud Bisaya Bai
