Gipamatud-an sa Commission on Elections nga ipadayon ang special elections sa ikaduhang distrito sa Antipolo karong Marso 14, 2026, bisan pa sa kakulang sa pondo nga giatubang sa komisyon.
Matod ni George Erwin Garcia, ₱11 milyones lamang ang na-aprobahan nga budget para sa piniliay, layo ra sa ₱98 milyones nga gikinahanglan. Tungod niini, pormal na siyang nangayo ug tabang sa Malacañang aron mapun-an ang kakulangan sa pondo.
Gipasabot ni Garcia nga gipili ang petsa nga Marso 14 tungod kay Sabado kini, aron dili maapektuhan ang klase sa mga eskwelahan. Nagpasar ang tanang komisyoner sa COMELEC ug usa ka resolusyon nga naghangyo kang Ferdinand Marcos Jr. nga ideklarar ang maong adlaw isip non-working holiday sa ikaduhang distrito sa Antipolo, aron mas daghang botante ang makapili.
Gihangyo usab sa komisyon ang awtoridad nga ilalom sa ilang supervision ang Armed Forces of the Philippines ug Philippine National Police atol sa election period aron masiguro ang kaluwasan ug integridad sa piniliay.
Samtang niini, misaad ang lokal nga panggamhanan sa Antipolo ug sa probinsya sa Rizal nga motabang sa logistics ug pasilidad aron hapsay nga mapahigayon ang eleksyon.
Ang maong special elections ipahigayon human sa pagkamatay ni Romeo Acop niadtong Disyembre 20, 2025, nga mipabilin og bakante sa congressional seat sa ikaduhang distrito sa Antipolo.
