Mokabat sa 29 ang patay sa nahitabong snowstorm sa Amerika. Sa report, usa ka 16-anyos nga dalagita ug usa pa ka babaye ang namatay sa Frisco, Texas, samtang usa usab ang nakaplagan patay sa parking lot sa abandonadong gas station sa Austin tubhod sa hypothermia.
Sa estado sa Arkansas, usa ka 17-anyos nga lalaki ang namatay human nga makaladkad sa ATV sa nyebe ug naigo sa punuan sa kahoy.
Samtang sa Lehigh County, Pennsylvania, tulo ka indibidwal nga anaa sa 60 hangtod 84-anyos ang edad ang namatay samtang gitanggal ang nyebe sa ilang tugkaran.
Walo usab ang patay sa New York City apil ang usa ka retiradong police officer sa Long Island samtang nagpala ug nyebe, ug usa pa ka lalaki sa Verona, New Jersey.
Usa ka babaye usab sa Massachusetts ang namatay human nga maatrasan ug snowplow sa parking lot, samtang upat ang nareport nga namatay sa Tennessee, tulo sa Louisiana, duha sa Mississippi, usa sa Kansas, usa sa Ohio ug usa usab sa South Carolina.
Photo Courtesy: People Taliba
