Dayon na ang pag-ere sa bag-ong game show ni Willie Revillame nga Wilyonaryo karong Enero 25, 2026, apan dili kini ipagawas sa TV5 sama sa mga nanggawas nga balita.
Sumala kang Willie, ang Wilyonaryo ipasalida live sa kaugalingong website sa programa nga wilyonaryo.com sugod alas-7 sa gabii.
Gitawag niya kini nga usa ka “raffle game” diin ang mga partisipante adunay higayon nga makadaog og hangtod PHP 1 milyon o labaw pa matag episode.
Matod pa ni Willie Revillame, padayon pa ang iyang pakig-istorya sa Cignal TV may kalabutan sa plano nga ang Channel 10 mahimong WilTV, apan wala pa kini makamugna ug pormal nga kasabutan.
Tungod niini, nakahukom siya nga ipahigayon una ang Wilyonaryo pinaagi sa digital platform aron diretso nga maabot ang katawhan.
Gipasabot usab ni Willie nga gusto niyang makahatag og mas daghang oportunidad sa pagtabang ug paghatag kalipay sa mga Pilipino, ug pinaagi sa online platform, mas sayon ug mas lapad ang maabot sa programa.
Photo courtesy: Wilyonaryo/ Facebook
