Gipasalig sa National Unity Party o NUP nga dili nila suportahan ang giingong plano sa impeachment batok kang Presidente Ferdinand Bongbong Marcos Jr.
Sumala ni House Deputy Speaker Ronaldo Puno, kinsa mao usab ang Chairman sa NUP, wala silay nakitang lig-on nga basehan aron ibase ang reklamo sa impeachment batok sa PBBM.
Gipasiugda ni Puno nga ang mga pasangil batok kang Presidente Marcos pulos espekulasyon ug walay igong basehan.
Gitandi kini ni Puno sa kaso sa impeachment batok kang Bise Presidente Sara Duterte nga adunay basehan ug gipailalom sa hingpit nga imbestigasyon sa usa ka komite sa Kamara.
Photo Courtesy: Philippine New Agency
