Nagtambayayong ang Presidente sa South Korea, Lee Jae Myung, ug ang Punong Ministro sa Japan, Sanae Takaichi ,nga palig-on sa kooperasyon sa ekonomiya, depensa, teknolohiya, ug sa pagpangita sa mga nahibilin nga Korean forced laborers.
Ang summit gihimo sa Nara, usa ka karaang kapital sa Japan nga nailhan sa mga templo ug usa ka simbolo sa daang kultura ug relasyon sa Korean Peninsula. Sa miting, giaprobahan nila ang kooperasyon sa supply chains, artificial intelligence, transnational crime prevention, ug DNA analysis sa nahabilin nga mga biktima sa Chosei Mine.
Samtang ilang gipamatud-an ang kahinungdanon sa ilang alyansa sa United States, nagkasabot usab sila sa pagtinabangay aron matangtang ang armas nuklear sa North Korea.
Bisan pa sa kasaysayan nga tensiyon tali sa duha ka nasud, nakab-ot ang gamay apan mahinungdanong panaghiusa sa pag-ila ug pag-analisa sa mga nahabilin nga biktima sa panahon sa gubat.
Photo Courtesy: MANILA BULLETIN
