Hapit nang mapahimuslan ang bag-ong Super Health Center sa Barangay Kauswagan, nga gitukod isip tubag sa pangandoy sa liderato sa barangay nga makahatag og quality healthcare alang sa tanang Kauswaganon.
Sumala sa barangay, padayon ang mga preparasyon ug assessment aron mapaspas ang pormal nga pag-abli sa pasilidad ug masugdan dayon ang operasyon sa labing madali nga panahon. Ang maong proyekto gitumong sa pagpalapad sa access sa batakang serbisyo medikal alang sa komunidad.
Gilauman sa barangay nga sa dihang maablihan na ang pasilidad, dako kini’g matabang sa pagpalig-on sa serbisyong panglawas ug sa pagpauswag sa kahimtang sa komunidad.
Photo courtesy: Barangay Kauswagan – Kapitan Jan Jan Lim
